నవగ్రహ మంత్రాలు

ప్రతి గ్రహానికి సరైన మంత్రాన్ని తెలుసుకుని, స్పష్టతతో, భక్తితో జపించండి.

గ్రహాలు, రాశులు, కర్మ ఫలితాల గురించి అవగాహన వచ్చిన తరువాత, సరైన పరిహారం తెలుసుకోవడం ఎంతో ముఖ్యం. అందుకే ఈ పేజీలో నవగ్రహ మంత్రాలను, జప విధా నం, నైవేద్యం వంటి వివరాలను కూడా పొందుపరిచాము. నియమంగా జపించడం ద్వారా మనసుకు స్థిరత్వం కలుగుతుంది

గ్రహాన్ని ఎంచుకోండి

Surya Chandra Kuja Budha Guru Shukra Shani Rahu Ketu

సూర్యుడు (Surya)

ఆరోగ్య సమస్యలు, శరీర బలహీనత, పనుల్లో ఆటంకాలు, ఉద్యోగంలో స్థిరత్వం లేకపోవడం, నిర్ణయాలలో స్పష్టత లేకపోవడం వంటి లక్షణాలు కనిపిస్తే — సూర్య గ్రహ ప్రభావం అసమతుల్యంగా ఉందని భావించవచ్చు.

ఎప్పుడు జపించాలి : గుండె జబ్బులు, ప్రమోషన్లు రాకపోవడం, తరచుగా బదిలీలు జరగడం వంటి సమస్యలు ఎదురైనప్పుడు ఈ మంత్రాన్ని జపించాలి.

జప విధానం : ఎరుపు లేదా కాషాయ దుస్తులు ధరించి,
ఆదివారం మధ్యాహ్నం 11 గంటల నుండి 1 గంట మధ్య
తూర్పుదిశను చూస్తూ 11 సార్లు జపించాలి.
నైవేద్యంగా పాలు, నారింజ, వెలగ పండు సమర్పించడం శుభప్రదం.

మంత్రం

Om Hram Hreem Hraum Sah Suryaya Namah

ఓం హ్రాం హ్రీం హ్రౌం సః సూర్యాయ నమః

అధి దేవత: అగ్ని
ప్రత్యధిదేవత: రుద్ర
వీరిని భక్తితో ఆరాధిస్తే — మంత్ర జపం ఫలితాలు త్వరగా, స్పష్టంగా అనుభవించవచ్చు.

చంద్రుడు (Chandra)

నిద్రలేమి, మనో చాంచల్యం, మనశ్శాంతి లోపం, భావోద్వేగ అస్థిరత, భయం, అలసట వంటి లక్షణాలు కనిపిస్తే — చంద్ర గ్రహ ప్రభావం అసమతుల్యంగా ఉందని భావించవచ్చు.

ఎప్పుడు జపించాలి :మనసు అస్థిరంగా ఉన్నప్పుడు, నిద్ర సరిగా రాకపోయినప్పుడు, అనవసర ఆలోచనలు ఎక్కువయ్యేప్పుడు, భావోద్వేగాలు నియంత్రణలో లేకపోయినప్పుడు ఈ మంత్రాన్ని జపించాలి.

జప విధానం : తెల్లని వస్త్రాలు ధరించి,
సోమవారం మధ్యాహ్నం 12 గంటల నుండి 1 గంట మధ్య, వాయువ్య దిశను చూస్తూ జపించాలి.
నైవేద్యంగా పెరుగు అన్నం, అరటి పండు సమర్పించడం శుభప్రదం.

Mantra

Om Shram Shreem Shraum Sah Chandraya Namah

ఓం శ్రాం శ్రీం శ్రౌం సః చంద్రాయ నమః

అధి దేవత: వరుణుడు
ప్రత్యధిదేవత: గౌరి
వీరిని భక్తితో ఆరాధిస్తే — మంత్ర జపం ఫలితాలు త్వరగా, స్పష్టంగా అనుభవించవచ్చు.

Kuja(కుజుడు )

అగ్ని ప్రమాదాలు, గ్యాస్ట్రిక్ సమస్యలు, జంతువుల కరవడం వంటి లక్షణాలు కనిపిస్తే — కుజ గ్రహ ప్రభావం అసమతుల్యంగా ఉందని భావించవచ్చు.

ఎప్పుడు జపించాలి :తరచుగా కోపం వస్తున్నప్పుడు, చర్మ వ్యాధులు, ఆస్తి తగాదాలు ఎదురైనప్పుడు ఈ మంత్రాన్ని జపించాలి.

జప విధానం : ఎరుపు రంగు వస్త్రాలు ధరించి,
మంగళవారం మధ్యాహ్నం 12 గంటల నుండి 1 గంట మధ్య, దక్షిణ దిశను చూస్తూ 5 సార్లు జపించాలి.
నైవేద్యంగా పప్పు అన్నం, అరటి పండు సమర్పించడం శుభప్రదం..

Mantra

Om Kram Kreem Kraum Sah Bhaumaya Namah

ఓం క్రాం క్రీం క్రౌం సః భౌమాయ నమః

అధి దేవత: భూమాత
ప్రత్యధిదేవత: క్షేత్ర పాలకుడు (కాల భైరవుడు)
వీరిని భక్తితో ఆరాధిస్తే — మంత్ర జపం ఫలితాలు త్వరగా, స్పష్టంగా అనుభవించవచ్చు.

Budha(బుధుడు )

బుద్ధి మాంద్యం, విద్యలో ఆటంకాలు, ఆచార భ్రష్టత్వం, అబద్ధాలు చెప్పడం ,నత్తి, నిర్ణయ శక్తి లోపం వంటి లక్షణాలు కనిపిస్తే — బుధ గ్రహ ప్రభావం అసమతుల్యంగా ఉందని భావించవచ్చు.

ఎప్పుడు జపించాలి : చదువులో ఏకాగ్రత తగ్గినప్పుడు, మాట తడబడుతున్నప్పుడు, నరాల బలహీనత, నమ్మక ద్రోహం వల్ల సమస్యలు ఎదురైనప్పుడు ఈ మంత్రాన్ని జపించాలి.

జప విధానం : ఆకుపచ్చ లేదా బూడిద రంగు వస్త్రాలు ధరించి,
ఉదయం 5 గంటల నుండి 8 గంటల మధ్య,
ఉత్తర దిశను చూస్తూ 5 సార్లు జపించాలి.
నైవేద్యంగా పెసలు, బెల్లం, తేనె సమర్పించడం శుభప్రదం.

Mantra

Om Bram Breem Braum Sah Budhaya Namah

ఓం బ్రాం బ్రీం బ్రౌం సః బుధాయ నమః

అధి దేవత: విరాట్ పురుషుడు
ప్రత్యధిదేవత :పరమ పురుషుడు (శివుడు)
వీరిని భక్తితో ఆరాధిస్తే — మంత్ర జపం ఫలితాలు త్వరగా, స్పష్టంగా అనుభవించవచ్చు.

Guru / Brihaspati(బృహస్పతి )

దైవం మీద విశ్వాసం కోల్పోవడం, చదువులో ఆటంకాలు, పరీక్షల్లో ఫెయిల్ అవ్వడం, అధికారాన్ని కోల్పోవడం, ఉద్యోగంలో సస్పెన్షన్, జీర్ణకోశ సమస్యలు వంటి లక్షణాలు కనిపిస్తే — బృహస్పతి గ్రహ ప్రభావం అసమతుల్యంగా ఉందని భావించవచ్చు.

ఎప్పుడు జపించాలి : పరీక్షల్లో పదే పదే విఫలమవుతున్నప్పుడు, దైవ విశ్వాసం తగ్గిపోయినప్పుడు, అధికార నష్టం లేదా ఉద్యోగ సమస్యలు వచ్చినప్పుడు, జీర్ణకోశ సంబంధిత ఇబ్బందులు ఉన్నప్పుడు ఈ మంత్రాన్ని జపించాలి.

జప విధానం : పసుపు లేదా గోల్డ్ రంగు వస్త్రాలు ధరించి,
గురువారం ఉదయం 5:30 నుండి 7:30 మధ్య,
ఈశాన్య దిశను చూస్తూ జపించాలి.
నైవేద్యంగా శెనగలు, శెనగపిండి వంటలు, అరటిపండు, మామిడి, సపోట, జామ పండు, పంచామృతం సమర్పించడం శుభప్రదం.

Mantra

Om Gram Greem Graum Sah Gurave Namah

ఓం గ్రాం గ్రీం గ్రౌం సః గురవే నమః

అధి దేవత: బ్రహ్మ
ప్రత్యధిదేవత :ఇంద్రుడు
వీరిని భక్తితో ఆరాధిస్తే — మంత్ర జపం ఫలితాలు త్వరగా, స్పష్టంగా అనుభవించవచ్చు.

Shukra(శుక్రుడు )

ప్రేమ విఫలం, లైంగిక బలహీనత, స్త్రీల ఆరోగ్య సమస్యలు, ధన నష్టం, ఉద్యోగ సమస్యలు వంటి లక్షణాలు కనిపిస్తే — శుక్ర గ్రహ ప్రభావం అసమతుల్యంగా ఉందని భావించవచ్చు.

ఎప్పుడు జపించాలి : వివాహం ఆలస్యం అవుతున్నవారు, దాంపత్య జీవితంలో కలహాలు ఉన్నవారు, సంతానం లేని దంపతులు, శుక్ర దోషం ఉన్న జాతకులు, స్త్రీల ఆరోగ్య సమస్యలు వంటి ఇబ్బందులు ఉన్నప్పుడు ఈ మంత్రాన్ని జపించాలి.

జప విధానం : తెల్లని వస్త్రాలు ధరించి,
శుక్రవారం ఉదయం జపించాలి.
ఆగ్నేయ దిశను చూస్తూ 6 సార్లు జపించాలి.
నైవేద్యంగా అలసందలు , పాలు, అరటి పండు, తెల్లని పూలు, జున్ను సమర్పించడం శుభప్రదం.

Mantra

Om Dram Dreem Draum Sah Shukraya Namah

ఓం ద్రాం ద్రీం ద్రౌం సః శుక్రాయ నమః

అధి దేవత: శాంభవి మాత
ప్రత్యధిదేవత :రుద్రుడు
వీరిని భక్తితో ఆరాధిస్తే — మంత్ర జపం ఫలితాలు త్వరగా, స్పష్టంగా అనుభవించవచ్చు.

Shani(శనిగ్రహం )

బద్ధకం, సోమరితనం, ఆత్మహత్య ఆలోచనలు, భార్య-భర్తల మధ్య గొడవలు, అక్రమ సంబంధాలు, ఉద్యోగం పోవడం, రక్త స్రావ సమస్యలు, జైలుకు వెళ్లే పరిస్థితి, వ్యసనాలకు గురి కావడం వంటి లక్షణాలు కనిపిస్తే — శని గ్రహ ప్రభావం అసమతుల్యంగా ఉందని భావించవచ్చు.

ఎప్పుడు జపించాలి : జీవితంలో ఆటంకాలు ఎక్కువైనప్పుడు, ఉద్యోగం కోల్పోయే పరిస్థితులు వచ్చినప్పుడు, కుటుంబ కలహాలు, మానసిక భారాలు, నిస్పృహ, వ్యసనాలు, లేదా తీవ్రమైన కష్టాలు ఎదురైనప్పుడు ఈ మంత్రాన్ని జపించాలి.

జప విధానం : నలుపు లేదా గాఢ నీలం రంగు వస్త్రాలు ధరించి,
శనివారం సాయంత్రం జపించాలి.
పశ్చిమ దిశను చూస్తూ 8 సార్లు జపించాలి.
నైవేద్యంగా నువ్వులు, మినుములు, బెల్లం, పెరుగు, నల్ల ద్రాక్ష, అన్నం, ఆవాలు సమర్పించడం శుభప్రదం.

Mantra

Om Khram Khreem Khraum Sah Shanaischaraya Namah

ఓం ఖ్రాం ఖ్రీం ఖ్రౌం సః శనైశ్చరాయ నమః

అధి దేవత: యముడు
ప్రత్యధిదేవత :ప్రజాపతి
వీరిని భక్తితో ఆరాధిస్తే — మంత్ర జపం ఫలితాలు త్వరగా, స్పష్టంగా అనుభవించవచ్చు.

Rahu(రాహు)

అన్ని ఉన్నా ఏదో అసంతృప్తి, దొంగబుద్ధి, వ్యసనాలు, విమాన ప్రమాదాలు, హింసాత్మక ధోరణి, మతాచాదనం, చెట్టు విరిగిపడ్డ పనులు, క్షుద్ర ప్రయోగాల వైపు ఆకర్షణ వంటి లక్షణాలు కనిపిస్తే — రాహు గ్రహ ప్రభావం అసమతుల్యంగా ఉందని భావించవచ్చు.

ఎప్పుడు జపించాలి : కారణం లేకుండా మనశ్శాంతి కోల్పోయినప్పుడు, వ్యసనాలు పెరిగినప్పుడు, అనవసర భయాలు, హింసాత్మక ఆలోచనలు, గందరగోళం, లేదా క్షుద్ర ప్రభావాల భయం ఉన్నప్పుడు ఈ మంత్రాన్ని జపించాలి.

జప విధానం : నలుపు, పొగరంగు లేదా గోధుమ రంగు వస్త్రాలు ధరించి,
శనివారం రాత్రి జపించాలి.
నైరుతి దిశను చూస్తూ 4 సార్లు జపించాలి.
మాఘ మాసం, కృష్ణ పక్ష దినాల్లో, ముఖ్యంగా అష్టమి మరియు అమావాస్య రోజుల్లో ఆరాధన చేయాలి .
నైవేద్యంగా మినుములు, ఎండు ద్రాక్ష, తేనె, బెల్లం, గోధుమతో చేసిన పదార్థాలు సమర్పించడం శుభప్రదం.

Mantra

Om Bhram Bhreem Bhraum Sah Rahave Namah

ఓం భ్రాం భ్రీం భ్రౌం సః రాహవే నమః

అధి దేవత: నిరృతి దేవత
ప్రత్యధిదేవత :దుర్గాదేవి
వీరిని భక్తితో ఆరాధిస్తే — మంత్ర జపం ఫలితాలు త్వరగా, స్పష్టంగా అనుభవించవచ్చు.

Ketu(కేతు )

దేవుడికి దూరం కావడం, ఆధ్యాత్మిక పతనం, CBI వంటి ఎన్‌క్వైరీలు, చార్ట్ పతనం, వివాహ భంగం, అకస్మాత్తు నష్టాలు వంటి లక్షణాలు కనిపిస్తే — కేతు గ్రహ ప్రభావం అసమతుల్యంగా ఉందని భావించవచ్చు.

ఎప్పుడు జపించాలి : దేవుడిపై భక్తి తగ్గినప్పుడు, ఆధ్యాత్మికంగా వెనుకబడినప్పుడు, అనవసర విరక్తి పెరిగినప్పుడు, వివాహ జీవితం దెబ్బతిన్నప్పుడు, అకస్మాత్తుగా నష్టాలు లేదా విచారణలు ఎదురైనప్పుడు ఈ మంత్రాన్ని జపించాలి.

జప విధానం : విభూది రంగు లేదా ఎరుపు రంగు వస్త్రాలు ధరించి,
మంగళవారం తెల్లవారుజామున జపించాలి.
దక్షిణ దిశను చూస్తూ 7 సార్లు జపించాలి
. ఫాల్గుణ మాసం, కృష్ణ పక్ష దినాల్లో ఆరాధన చేయడం శుభప్రదం.
నైవేద్యంగా ఉలవలు లేదా ఉలవల చారు, డ్రై ఫ్రూట్స్, మేకపాలు, ఖర్జూరం, కొబ్బరికాయ సమర్పించడం శుభప్రదం.

Mantra

Om Pram Preem Praum Sah Ketave Namah

ఓం ప్రాం ప్రీం ప్రౌమ్ సః కేతవే నమః

అధి దేవత: సర్ప దేవత (కుండలినీ శక్తి)
ప్రత్యధిదేవత :శివుడు
వీరిని భక్తితో ఆరాధిస్తే — మంత్ర జపం ఫలితాలు త్వరగా, స్పష్టంగా అనుభవించవచ్చు.

గ్రహాన్ని ఎంచుకోండి

సూర్యుడు (Surya)

చంద్రుడు (Chandra)

Kuja(కుజుడు )

Budha(బుధుడు )

Guru / Brihaspati(బృహస్పతి )

Shukra(శుక్రుడు )

Shani(శనిగ్రహం )

Rahu(రాహు)

Ketu(కేతు )

జ్యోతిష్య ప్రయాణం ఇక్కడితో ఆగదు